Меѓународен конкурс за пишување писмо 2016

Агенцијата за пошти на Република Македонија и оваа пролет продолжува со благородната кампања за негување на традицијата за пишување писма и за поттикнување на писмовната комуникација и на јазичната префинетост кај младите.

Конкурсот за пишување писмо е отворен за млади луѓе од 9 до 15- годишна возраст и ќе трае од 15-ти март до 15-ти април 2016 година. Текстовите треба се напишани со своерачен ракопис и во форма на писмо да се испратат на адресата: Агенција за пошти, П. Фах 160, 1000 Скопје. Писмата не треба да содржат повеќе од 800 зборови.

Агенцијата ќе додели, на предлог на посебна жири-комисија, три награди за најдобрите три писма, а авторот на најдоброто ќе биде награден со летување, како и ќе ја има привилегијата да учествува на Меѓународниот конкурс за пишување писмо организиран од Светскиот поштенски сојуз.

Темата која е одбрана за натпреварот во 2016 година е „Напиши писмо до самиот себе на 45-годишна возраст“. Овој наслов е избран да ја одбележи 45-тата годишнина од интернационалниот натпревар. Децата насекаде низ светот се топло охрабрени да ја поттикнат својата имагинација и да напишат писмо до самите себеси.

Печати Е-пошта

Новогодишно изненадување

Агенцијата за пошти и Театарот за деца и младинци на децата од Детскиот дом „11-Октомври“ им приредија забава по повод Новогодишните и Божиќни празници.  Во театарот беше одиграна претставата „Лакомата меца“ во изведба на актерите Ана Левајковиќ Бошков, Катарина Илиевска-Силјановска и Владимир Лазовски.  По завршувањето на едукативната претставата децата беа изненадени од Дедо Мраз кој ги израдува и им подели новогодишни пакетчиња.

 

Печати Е-пошта

Десетта јавна седница

Десеттата јавна седница на Агенцијата за пошти се одржa на 23.12.2015 година (среда) во хотел Holiday Inn, во Дневната сала.

По принципот на своето транспарентно работење, оваа седница им овозможи на сите заинтересирани страни да се информираат и запознаат со нејзините превземени активности и идни планови.

Презентацијата од статистичкиот извештај за поштенските активности во Република Македонија за 2014 може да ja превземете тука

 

 

Печати Е-пошта