ГОРАН ПАНДЕВ и АП во зедничка кампања „СПОДЕЛИ КОПНЕЖ, ПОДАРИ РАДОСТ“

Ни претставува особено задоволство да Ве информираме дека кампањата во рамките на активностите на Агенцијата за пошти за промоција на поштенските услуги и филателијата во Македонија беше поддржана од нашиот светски познат фудбалски мајстор, напаѓачот на фудбалскиот клуб Наполи, денес и официјално стартува под име: СПОДЕЛИ КОПНЕЖ, ПОДАРИ РАДОСТ.
Во рамките на кампањата, сите граѓани на Република Македонија, но и фановите од целиот свет ќе имаат можност со назнака „За кампањата СПОДЕЛИ КОПНЕЖ, ПОДАРИ РАДОСТ“ на адресата Агенција за пошти, П.Фах 164, 1000 Скопје, на поштенски картички да ги испратат своите честитки, желби, но и лични пораки до Горан Пандев.

 Кампањата ќе трае до исполнувањето на квотата од 5000 примени поштенски картички. Испраќачот на 5000-та картичка ќе стане добитник на оригинален фудбалски дрес на ФК Наполи со автентичен потпис од Горан Пандев. Со завршувањето на кампањата Горан Пандев ќе донира комплетна фудбалска опрема и фудбалски топки за учениците во основните училишта во Струмица, додека Агенцијата за пошти ќе го награди испраќачот на највпечатливата порака која ќе биде избрана од страна на стручно жири и од нашите следбеници на Facebook кои ќе имаат право со своите гласови да ја избираат највпечатливата порака на неделата во текот на траењето на кампањата.

Фудбалска топка со автограм на Пандев ќе добие и испраќачот чија порака ќе му остави најсилен впечаток лично на Пандев.

Сите заинтересирани граѓани кои сакаат да учествуваат во оваа добротворна кампања, тоа можат да го направат преку испраќање на поштенски картички со своите пораки до Пандев: ПОШТЕНСКИ ФАХ 164, 1000 Скопје со назнака „СПОДЕЛИ КОПНЕЖ, ПОДАРИ РАДОСТ“, наведувајќи свое име и презиме и точна поштенска адреса.

Печати Е-пошта

Меѓународен конкурс за пишување писмо на Светски поштенски сојуз

Агенцијата за пошти, изразува големо задоволство и благодарност до сите учесници кои испратија писма на Меѓународниот конкурс за пишување писмо на Светски поштенски сојуз на тема „Напиши писмо за тоа во каков свет сакаш да пораснеш“.

Жири комисијата го избра најдоброто писмо кое ќе ја претставува Република Македонија на овој традиционален меѓународен конкурс. Покрај првонаграденото писмо, Агенцијата наградува уште 2 и одлучи да пофали 4 писма.

АГЕНЦИЈАТА ЗА ПОШТИ ГИ ОБЈАВУВА ДОБИТНИЦИТЕ НА НАГРАДИТЕ И ПОФАЛЕНИТЕ НА КОНКУРСОТ:

  1. Софи Пановска - IX-3 одделение во ОУ „Гоце Делчев“ - Битола
  2. Ана Игнатовиќ - IX-1 одделение во ОУ „Кузман Јосифовски - Питу“ - Скопје
  3. Леонида Лумбуровска - IX-3 одделение ОУ „Гоце Делчев“ - Битола

Пофалени писма:

  • Лина Продановска - III-3 одделение - ОУ „Лазо Ангеловски“- Скопје
  • Јана Стефанова - V-1 одд. „Круме Кепески“- Скопје
  • Филип Томашевски - VII-б одд ОУ „Партенија Зографски“ - Скопје
  • Ана Маркоска VII-1 одд ОУ „Круме Кепески“ - Скопје

Организаторот ќе ги контактира авторите на наградените и пофалените писма.

Победничкото писмо што беше пратено на меѓународниот конкурс може да го видите тукаpdf

Печати Е-пошта

Агенцијата за пошти ја поддржа акцијата „Ден на дрвото“

 

На 03.12.2014 година, директорот на Агенцијата за пошти Влатко Атанасоски заедно со вработените, учествуваа на 14 –та акција „ДЕН НА ДРВОТО 2014 - Засадија својата иднина“. Мотото на акцијата оваа година е „Стоп за катастрофите “.

Вработените од Агенцијата за пошти, на новоформираниот зелен појас на булеварот Февруарски поход во Ново Лисиче, засадија дрвце со што ја поддржаа оваа акција со цел да се поттикне заштитата на животната средина.

На површина од 1.107 хектари вчера беа засадени околу 5 милиони дрвца низ територијата на цела Македонија.

Главен акцент на пошумувањето годинава беше ставен на голи и опожарени површини, а се раззеленуваше и во урбаните и руралните средини, голините и корозивните места.

Проектот за пошумена Македонија преку засадување на иднината се појави во август 2007 година, кога амбасадорот на мирот на УНЕСКО, светски познатиот баритон, маестро Борис Трајанов,  поттикнува проект за масовно засадување на голините и опустошените планини. Незаборавна е изјавата на уметникот дека „Не сме само ние жители на Планетета, и шумите се жители како и ние“.

Печати Е-пошта

Филателистичка програма на ФИФА

ФИФА го објави продолжувањето на филателистичката програма за Светското првенство во фудбал, Бразил 2014. Оваа програма е континуитет на програмата во чест на стогодишнината на ФИФА која што беше креирана во 2004 година. Од тогаш програмата успешно работи под наслов: Официјална комеморативна филателистичка програма. Беа објавени повеќе поштенски маркици со теми од градовите домаќини, официјалниот амблем и официјалната маскота, Фулеко.

Повеќе информации: ФИФА филателистичка програма

Печати Е-пошта

Повеќе артикли...