Информација

Агенцијата за пошти ги информира граѓаните, правните лица и институциите во Република Македонија, корисници на поштенски услуги,  дека поштенски услуги  на целата територијата на Република Македонија или на нејзин одреден дел, може да вршат само оние правни лица кои имаат статус на даватели на поштенски услуги врз основа на Индивидуална дозвола или на Општо овластување, издадени од страна на Агенцијата за пошти .

Извод од базата со податоци за актуелни поштенски оператори, која се ажурира на дневна основа може да се најде на следниот линк 

За правните лица:               

  1. ДИЛИВЕРИ СЕРВИС ИНТЕРНЕШЕНЕЛ ДООЕЛ Скопје,
  2. БТЛ ЛОГИСТИК ДООЕЛ Скопје и
  3. ИН ПОШТА РАДЕСКИ  ДООЕЛ Скопје,

Агенцијата за пошти нема издадено Општо овластување, истите немаат статус на даватели на поштенски услуги и немаат право да вршат поштенски услуги.

 

Печати Е-пошта

Новогодишна хуманитарна акција на Агенцијата за пошти

„СЛАТКА“ ЗАБАВА ЗА ДЕЦАТА БЕЗ РОДИТЕЛИ

На 26.12.2014 година, во Домот за деца без родители „11 Октомври“ во Скопје, по повод претстојните новогодишни и божикни празаници, директорот на Агенцијата за пошти, Влатко Атанасоски, заедно со вработените во Агенцијата им приредија „слатка“ забава на децата од оваа установа за социјална заштита.

Во улогата на Дедо Мраз се појави познатиот хит-мејкер, шармантниот пеач на забавна музика Влатко Илиевски, кој со песна им посака убави желби во новата година и секако на сите деца им подели новогодишни пакетчиња од асортиманот на „Витаминка“ од Прилеп.

Со оваа активност Агенцијата за пошти на децата без родители, во предновогодишен амбиент, им обрна внимание и им создаде позитивна атмосфера на верба, љубов и разбирање.

Печати Е-пошта

Деветта јавна седница

Деветтата јавна седница на Агенцијата за пошти се одржа на 24.12.2014 година во хотел Holiday Inn, во дневната сала.

По принципот на своето транспарентно работење, оваа седница  им овозможи на сите заинтересирани страни да се информираат и запознаат со нејзините превземени активности и идни планови.

Седницата го имаше следниот ДНЕВЕН РЕД:

  1. Трендови на поштенскиот пазар во Република Македонија за 2014 година.
  2. Преглед на работата на Агенцијата за пошти во 2014 година.

Печати Е-пошта

ИЗБРАНО НОВО ПРЕТСЕДАТЕЛСТВО НА ЕВРОПСКИОТ КОМИТЕТ ЗА ПОШТЕНСКИ РЕГУЛАЦИЈА

Една од главните точки на 49-тата CERP (Европски Комитет за поштенска регулација) Пленарна седница која се одржа во Скопје на 29 и 30 мај 2014 год. беше избор на ново претседателство на CERP односно претседател и двајца заменици на претседателот.

Делегатите на земјите членки на CEPT (Конференција за пошти и телекомуникации) врз основа на претходно спроведена постапка за избор на ново CERP Претседателство, со акламација го избраа новото претседателство на CERP, во состав:

  • д-р Љубиша Митевски за претседател на CERP и ко-претседател на претседателството на CEPT од Агенцијата за пошти на Република Македонија
  • Г-дин Egil Thorstensen за заменик претседател од Министерството за транспорт и комуникации на Норвешка
  • Г-ѓа Anna Karolak-Woźniak за заменик претседател од Министерството за администрација и дигитализација на Полска

Печати Е-пошта

Повеќе артикли...