Поштенска мапа

 

Видеа

Печати

Агенцијата за пошти на Република Македонија и оваа пролет продолжува со благородната кампања за негување на традицијата за пишување писма и за поттикнување на писмовната комуникација и на јазичната префинетост кај младите.

Конкурсот за пишување писмо е отворен за млади луѓе од 9 до 15- годишна возраст и ќе трае од 15-ти март до 15-ти април 2016 година. Текстовите треба се напишани со своерачен ракопис и во форма на писмо да се испратат на адресата: Агенција за пошти, П. Фах 160, 1000 Скопје. Писмата не треба да содржат повеќе од 800 зборови.

Агенцијата ќе додели, на предлог на посебна жири-комисија, три награди за најдобрите три писма, а авторот на најдоброто ќе биде награден со летување, како и ќе ја има привилегијата да учествува на Меѓународниот конкурс за пишување писмо организиран од Светскиот поштенски сојуз.

Темата која е одбрана за натпреварот во 2016 година е „Напиши писмо до самиот себе на 45-годишна возраст“. Овој наслов е избран да ја одбележи 45-тата годишнина од интернационалниот натпревар. Децата насекаде низ светот се топло охрабрени да ја поттикнат својата имагинација и да напишат писмо до самите себеси.

Печати

Агенцијата за пошти, изразува големо задоволство и благодарност до сите учесници кои испратија писма на Меѓународниот конкурс за пишување писмо на Светски поштенски сојуз на тема „Напиши писмо за тоа во каков свет сакаш да пораснеш“.

Жири комисијата го избра најдоброто писмо кое ќе ја претставува Република Македонија на овој традиционален меѓународен конкурс. Покрај првонаграденото писмо, Агенцијата наградува уште 2 и одлучи да пофали 4 писма.

АГЕНЦИЈАТА ЗА ПОШТИ ГИ ОБЈАВУВА ДОБИТНИЦИТЕ НА НАГРАДИТЕ И ПОФАЛЕНИТЕ НА КОНКУРСОТ:

  1. Софи Пановска - IX-3 одделение во ОУ „Гоце Делчев“ - Битола
  2. Ана Игнатовиќ - IX-1 одделение во ОУ „Кузман Јосифовски - Питу“ - Скопје
  3. Леонида Лумбуровска - IX-3 одделение ОУ „Гоце Делчев“ - Битола

Пофалени писма:

  • Лина Продановска - III-3 одделение - ОУ „Лазо Ангеловски“- Скопје
  • Јана Стефанова - V-1 одд. „Круме Кепески“- Скопје
  • Филип Томашевски - VII-б одд ОУ „Партенија Зографски“ - Скопје
  • Ана Маркоска VII-1 одд ОУ „Круме Кепески“ - Скопје

Организаторот ќе ги контактира авторите на наградените и пофалените писма.

Победничкото писмо што беше пратено на меѓународниот конкурс може да го видите тукаpdf

Печати
Со цел да се обнови традицијата на пишување писма, да се стимулира креативниот однос на граѓаните кон интимната димензија на писмата и кон афирмирање на јазичната и писмената култура и традиција кои што во историјата на светската култура има оставено неизбришливи траги, АГЕНЦИЈАТА ЗА ПОШТИ РАСПИШУВА НАГРАДЕН КОНКУРС ЗА НАЈДОБРО ПИСМО „НАПИШИ ПИСМО СО РАКОПИС НА СРЦЕТО“ (темата на конкурсот е слободна)

Конкурсот ќе биде поделен во III категории:

  • I категорија –  за деца до 12 годишна возраст
  • II категотија – за млади до 18 годишна возраст
  • III – за возрасни над 18 години

За трите категории по три награди:

  • I категорија – 9 000 ден, 6 000 ден  и 3 000 ден.
  • II категорија- 12 000 ден, 9 000 ден  и 6 000 ден.
  • III категорија – 30 000 ден, 18 000 ден и 6 000 ден.

Право на учество имаат сите граѓани на Република Македонија.

Пристигнатите писма треба да ги исполнуваат следните услови:

  1. Да бидат напишани со личен авторски ракопис
  2. Да бидат напишани на македонски или албански јазик и не смеат да бидат претходно објавувани
  3. Да се наведе во која категорија ќе учествува писмото
  4. Должината да не изнесува повеќе од 500 збора
  5. Да биде запазена формата на пишување  писмо – со обраќање до примачот
  6. На задната страна на ковертот, авторот на писмото да ја наведе точната адреса на живеење . Дополнителни информации и контакт може да се испратат на посебен лист во истиот коверт.

Писмата треба да се испратат најдоцна до 14 април 2014 година, во плик на следната адреса :    Агенција за пошти, (со назнака:  за награден конкурс - категорија), п.фах 164, 1001 Скопје

Доставените писма не се враќаат. Дозволени се номинации само од авторите на писмата. Одлуката на жирито е конечна. Покрај паричните ќе бидат доделени и награди во книги. Учесниците ќе бидат известени за резултатите од конкурсот најдоцна до 14 мај 2014 година.

Печати
Ни претставува особено задоволство да Ве информираме дека кампањата во рамките на активностите на Агенцијата за пошти за промоција на поштенските услуги и филателијата во Македонија беше поддржана од нашиот светски познат фудбалски мајстор, напаѓачот на фудбалскиот клуб Наполи, денес и официјално стартува под име: СПОДЕЛИ КОПНЕЖ, ПОДАРИ РАДОСТ.
Во рамките на кампањата, сите граѓани на Република Македонија, но и фановите од целиот свет ќе имаат можност со назнака „За кампањата СПОДЕЛИ КОПНЕЖ, ПОДАРИ РАДОСТ“ на адресата Агенција за пошти, П.Фах 164, 1000 Скопје, на поштенски картички да ги испратат своите честитки, желби, но и лични пораки до Горан Пандев.

 Кампањата ќе трае до исполнувањето на квотата од 5000 примени поштенски картички. Испраќачот на 5000-та картичка ќе стане добитник на оригинален фудбалски дрес на ФК Наполи со автентичен потпис од Горан Пандев. Со завршувањето на кампањата Горан Пандев ќе донира комплетна фудбалска опрема и фудбалски топки за учениците во основните училишта во Струмица, додека Агенцијата за пошти ќе го награди испраќачот на највпечатливата порака која ќе биде избрана од страна на стручно жири и од нашите следбеници на Facebook кои ќе имаат право со своите гласови да ја избираат највпечатливата порака на неделата во текот на траењето на кампањата.

Фудбалска топка со автограм на Пандев ќе добие и испраќачот чија порака ќе му остави најсилен впечаток лично на Пандев.

Сите заинтересирани граѓани кои сакаат да учествуваат во оваа добротворна кампања, тоа можат да го направат преку испраќање на поштенски картички со своите пораки до Пандев: ПОШТЕНСКИ ФАХ 164, 1000 Скопје со назнака „СПОДЕЛИ КОПНЕЖ, ПОДАРИ РАДОСТ“, наведувајќи свое име и презиме и точна поштенска адреса.

Печати

На 26 ноември 2012 година Агенцијата за пошти вo Best Western –Хотел Турист во Скопје, со почеток во 11:30 часот одржа прес-конференција на тема ,,Право на приговор “.
Конференцијата имаше за цел да ја информира јавноста за можностите кои стојат пред корисниците на поштенски услуги во доменот на нивните права за остварување на поефикасна и трајна услуга од страна на давателите на поштенски услуги.
На овој настан беа промовирани активностите на Агенцијата за пошти кои имаат за цел да ги поттикнат корисниците во поголем број да го користат своето законско право на приговор.

Презентацијата од прес-конференцијата може да ја превземете тука

Слики може да се видат тукаsliki

TOP