Агенција за пошти - АП

НОВА ПОШТА ДООЕЛ Скопје не е повеќе давател на поштенски услуги

Admin — Mon, 30 Dec 2024 14:27:30 +0000

НОВА ПОШТА ДООЕЛ Скопје не е повеќе давател на поштенски услуги Admin Mon, 30.12.2024 - 15:27

Агенцијата за пошти на ден 27.12.2024 година го избриша од службената евиденција за даватели на поштенски услуги, Друштвото за поштенски и курирски услуги НОВА ПОШТА ДООЕЛ Скопје.

Агенцијата за пошти согласно член 38 став 3 од Законот за поштенските услуги констатира престанок на обезбедување поштенски услуги на давателот на поштенски услуги Нова Пошта ДООЕЛ Скопје, со што Нова Пошта ДООЕЛ Скопје го изгуби статусот на давател на поштенски услуги.

Нова Пошта ДООЕЛ Скопје работеше во поштенскиот сектор од 11.11.2015 година до 26.12.2024 година, врз основа на Општо овластување издадено од Агенцијата за пошти под УП I бр.02-43/2015, за обезбедување поштенски услуги во внатрешниот поштенски сообраќај на цела територија на Република Северна Македонија.

Одржан 23-от Јавен состанок на Агенцијата за пошти

Admin — Fri, 27 Dec 2024 11:15:33 +0000

Одржан 23-от Јавен состанок на Агенцијата за пошти

Admin Fri, 27.12.2024 - 12:15

Почитувајќи го принципот на транспарентно работење, Агенцијата за пошти го одржа својот 23-ти јавен состанок, на кој пред чинителите во поштенскиот сектор беа презентирани реализираните активности, плановите за делување во 2025 година, како и Анализата на пазарот на поштенски услуги во Република Северна Македонија за првото полугодие за 2024 година.

На јавниот состанок присуствуваа претставници на Министерството за транспорт и врски, Управата за јавни приходи, Асоцијацијата за електронска трговија, претставници на давателите на поштенски услуги, медиумите, како и други поканети гости од институциите со кои соработува Агенцијата за пошти.

Во своето обраќање, осврнувајќи се на реализираните активности во 2024 година, директорот на Агенција за пошти, д-р Сретен Миладиноски, меѓу другото, истакна дека Агенцијата посветено и одговорно ги извршува своите законски функции и надлежности, и успешно ги реализира активностите согласно својата Годишна програма за работа. Тој нагласи дека во поглед на Годишната програма за вршење на надзор, истата е целосно имплементирана и дека надзорните механизми на Агенцијата се зајакнуваат, со што во 2024 година извршени се вкупно 25 надзори, односно најмногу во последните 5 години.

На јавниот состанок беше презентирана и Анализата на пазарот на поштенски услуги во Македонија за првото полугодие од 2024 година од страна на раководителката на Директоратот за следење и анализа на пазарот, Данијела Спасиќ -Томовска.

По последната точка од дневниот ред, директорот Миладиноски осврнувајќи се на идните планови и проекти кои ќе се реализираат во 2025 година, истакна:

„Агенцијата ќе продолжи да ги извршува своите надлежности кои се однесуваат на осигурување на обезбедување на универзалната услуга со стандарден квалитет, на одржлив и конкурентен пазар, заштита на корисниците и на давателите на поштенски услуги, надзорните и контролните механизми, како и активности кои се однесуваат на самото работење на Агенцијата за пошти. Овие активности се содржани во Годишната програма за работа за 2025 година, која што е навремено одобрена од страна Собранието. Надзорите ќе се вршат според Годишната програма за вршење на надзор за 2025 година. Исто така, како и досега ќе вршиме и заеднички надзори со други надлежни институции, односно со Министерството за внатрешни работи, Царинската управа, со Управата за јавни приходи, со Државен пазарен инспекторат и други институции.“

Покана за присуство на 23-от Јавен состанок на Агенцијата за пошти

Admin — Mon, 23 Dec 2024 14:30:53 +0000

Покана за присуство на 23-от Јавен состанок на Агенцијата за пошти

Admin Mon, 23.12.2024 - 15:30

Почитувани,

Агенцијата за пошти Ве поканува да присуствувате на 23-от Јавен состанок, кој ќе се одржи на 25.12.2024 година (среда) со почеток во 11 часот во конференциската сала на хотел Холидеј Инн во Скопје.

Почитувајќи го принципот на транспарентно работење, Агенцијата своите јавни состаноци ги организира со цел да им овозможи на сите заинтересирани страни да се информираат за преземените активности и за регулаторните мерки во тековната годината. Оваа прилика ја користи и да ја презентира состојбата на поштенскиот пазар во Република Северна Македонија, како и да ја запознае јавноста со тековните активности , плановите и програмите за делување во идниот период.

Јавниот состанок ќе го има следниот дневен ред:

Воведно излагање – активности на Агенцијата за пошти;
Анализа на пазарот на поштенските услуги во Република Северна Македонија за првото полугодие од 2024 година;
Идни планови

Во прилог е Агендата за настанот.

Ве молиме Вашето присуство да го потврдите на следната е- маил адреса [email protected]" style="color:blue; text-decoration:underline">[email protected] или телефонски на 3 212-107, најдоцна до 24.12.2024 година (вторник).

Со почит,

АГЕНЦИЈА ЗА ПОШТИ

Директор

д-р Сретен Миладиноски

ПЛАН ЕКСПРЕС ДООЕЛ увоз-извоз Скопје не е повеќе давател на поштенски услуги

Admin — Wed, 04 Dec 2024 14:26:10 +0000

ПЛАН ЕКСПРЕС ДООЕЛ увоз-извоз Скопје не е повеќе давател на поштенски услуги Admin Wed, 04.12.2024 - 15:26

Агенцијата за пошти го избриша од службената евиденција за даватели на поштенски услуги ПЛАН ЕКСПРЕС ДООЕЛ увоз-извоз Скопје.

Со Решение бр. 02-238/4 од 04.10.2024 година, Агенцијата за пошти го укина Општото овластување на давателот на поштенските услуги План Експрес ДООЕЛ увоз-извоз Скопје, поради неисполнување на правата и обврските од Општото овластување, согласно член 45 став 4 алинеја 1 од Законот за поштенските услуги.

Поради губење на статусот на давател на поштенски услуги, План Експрес ДООЕЛ увоз-извоз Скопје е избришан од службената евиденција на даватели на поштенски услуги, согласно член 26 став 3 од Законот за поштенските услуги.

Друштвото за трговија и услуги План Експрес ДООЕЛ увоз-извоз Скопје работеше на поштенскиот пазар од 17.01.2020 година, врз основа на Општо овластување за обезбедување поштенски услуги во внатрешен поштенски сообраќај - за подрачјето на град Скопје, издадено од Агенцијата за пошти под број УП I бр. 02-01.

Единаесетти Е-билтен на Агенцијата за пошти

Admin — Mon, 02 Dec 2024 13:36:25 +0000

Единаесетти Е-билтен на Агенцијата за пошти Admin Mon, 02.12.2024 - 14:36

Е-Билтен

Десетти Е-билтен на Агенцијата за пошти

Admin — Mon, 02 Dec 2024 13:32:41 +0000

Десетти Е-билтен на Агенцијата за пошти Admin Mon, 02.12.2024 - 14:32

Е-Билтен

Успешна реализација на есенскиот информативен караван „АП поблиску до корисниците на поштенски услуги!“

Admin — Mon, 18 Nov 2024 11:05:33 +0000

Успешна реализација на есенскиот информативен караван „АП поблиску до корисниците на поштенски услуги!“ Admin Mon, 18.11.2024 - 12:05

На 13-ти и 14-ти ноември, Агенцијата за пошти го реализираше есенскиот караван „АП поблиску до корисниците на поштенски услуги!“.

Целта на оваа кампања е да ја доближи работата на давателите на поштенски услуги пред пошироката јавност, како и да ја подигне јавната свест за начинот на користење на правата на корисниците на поштенски услуги.

Караванот беше поддржан од Канцеларијата на Народниот Правобранител, со кого Агенцијата за пошти има склучено Меморандум за соработка.

Информативниот караван опфати 3 едукативни средби со граѓани, претставници од месните заедници, давателите на поштенски услуги и тоа во градовите Велес, Штип и Струмица.

На тематските работилници свое обраќање имаше директорот на Агенцијата за пошти проф. д-р Сретен Миладиноски кој ја истакна важноста на ваквите едукатвни средби кои се од големо значење за јавноста бидејќи преку нив на многу ефикасен начин се информираат граѓаните - корисници на поштенски услуги за остварување на нивните законски права, за нивните обврски како и за обврските на давателите на поштенските услуги.

Едукативните средби се одржаа по утврден дневен ред, на кои во својство на едукатори свои презентации имаа Олга Манчевска - Раководител на Директоратот за регулатива, Ана Ковачевска – Раководител на Директоратот за заштита на правата на корисниците и односи со јавноста лиценцирање и правни работи, Христина Трајчевска – Стручен советник за лиценцирање и Мартин Спасовски – Соработник за решавање на спорови.

Првата средба се оствари во Велес чиј домаќин беше Јуроп Хаус – Велес, додека втората средба се оддржа во НУ – Универзитетска библиотека „Гоце Делчев“ во Штип на која за надлежностите и за постапувањата по претставките од граѓаните, пред посетителите се обрати и Емилија Андонова - државен советник во подрачната канцеларија на Народниот правобранител во Штип која истакна дека соработката помеѓу двете институции е на високо ниво и дека доколку граѓаните сметаат дека некое нивно право или интерес е засегнато, тие имаат можност да се обратат во овие институции.

Третата едукативна средба која беше и последна средба од есенскиот караван, се оддржа во Јуроп Хаус – Струмица. На истата се обрати Славчо Тимов - државен советник во подрачната канцеларија на Народниот правобранител во Струмица.

На посетителите им се даде можност да поставуваат прашања поврзани со обезбедувањето на услугите како и да информираат за евентуални забелешки поврзани со доставата.

Исто така од страна на претставниците од Агенцијата како и од канцеларијата на Народниот правобранител беа дадени изјави на локалните медиуми.

https://mnet.mk/%d1%81%d1%82%d1%80%d0%b0%d0%bd%d1%81%d0%ba%d0%b8%d1%82%d0%b5-%d0%bf%d1%80%d0%b0%d1%82%d0%ba%d0%b8-%d0%b2%d0%be-%d0%b4%d1%80%d0%b6%d0%b0%d0%b2%d0%b0%d1%82%d0%b0-%d0%be%d1%81%d0%b2%d0%b5%d0%bd-%d0%bc/

ИНФОРМАТИВЕН КАРАВАН НА АГЕНЦИЈАТА ЗА ПОШТИ„АП ПОБЛИСКУ ДО КОРИСНИЦИТЕ НА ПОШТЕНСКИТЕ УСЛУГИ“

Admin — Tue, 12 Nov 2024 14:04:51 +0000

ИНФОРМАТИВЕН КАРАВАН НА АГЕНЦИЈАТА ЗА ПОШТИ„АП ПОБЛИСКУ ДО КОРИСНИЦИТЕ НА ПОШТЕНСКИТЕ УСЛУГИ“ Admin Tue, 12.11.2024 - 15:04

Стремејќи се да ја доближи работата на давателите на поштенските услуги пред пошироката јавност, како и да ја подигне јавната свест за начинот на користење на правата на корисниците на поштенските услуги, Агенцијата за пошти во соработка со Канцеларијата на Народниот Правобранител, на 13-ти и 14-ти ноември 2024 година, ќе го спроведе вториот есенски информативен караван „АП ПОБЛИСКУ ДО КОРИСНИЦИТЕ НА ПОШТЕНСКИТЕ УСЛУГИ“.

Реализацијата на есенскиот караван ќе опфати 3 едукативни средби со граѓаните, студентите и претставници од бизнис-секторот, во градовите Велес, Штип и Струмица.

На овие средби, ќе бидат презентирани и надлежностите на Агенцијата за пошти, а главен акцент ќе се стави на информирање на јавноста за остварување на законските права на корисниците, нивните обврски како и обврските на давателите на поштенските услуги. На посетителите ќе им се даде можност да поставуваат прашања поврзани со обезбедувањето на услугите како и да информираат за евентуални забелешки поврзани со доставата.

Агенцијата за пошти е објавува Јавен повик за прибирање на понуди за закуп за деловен простор

Admin — Thu, 07 Nov 2024 13:29:15 +0000

Агенцијата за пошти е објавува Јавен повик за прибирање на понуди за закуп за деловен простор Admin Thu, 07.11.2024 - 14:29

Агенцијата за пошти е објавува Јавен повик за прибирање на понуди за закуп за деловен простор745.76 KB

Светски ден на поштите

Admin — Tue, 08 Oct 2024 10:18:37 +0000

Светски ден на поштите

Admin Tue, 08.10.2024 - 12:18

Светскиот ден на поштите се одбележува секоја година на 9 октомври. Тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн.

Оваа година е 150 годишнина од основањето на оваа организација која е една од најстарите организации во светски рамки. По тој повод, утре во седиштето на Светскиот поштенски сојуз во Берн ќе се одржи свечена церемонија која ќе биде со следната Програма.

За земјите кои учествуваат во Меѓународниот натпревар за пишување писмо на Светскиот поштенски сојуз, на националните победници најчесто им се врачуваат наградите на 9 октомври.

За да се одбележи 150 годишнината од Светскиот поштенски сојуз, темата за 2024 година е „150 години заложба за комуникација и напредок на народите во целиот свет“.

Во продолжение линк кој води до пригодна порака од генералниот директор на Интернационалното Биро, Масахико Метоки.