Соопштенија

НОВИ ЦЕНИ ЗА УНИВЕРЗАЛНАТА УСЛУГА ОД 01.05. 2026

apmin — Wed, 29 Apr 2026 11:12:06 +0000

НОВИ ЦЕНИ ЗА УНИВЕРЗАЛНАТА УСЛУГА ОД 01.05. 2026 apmin Wed, 29.04.2026 - 13:12

Агенцијата за пошти со Решение бр.02-124/9 од 21.04.2026 година го уважи барањето од АД за поштенски сообраќај Пошта на Северна Македонија -во државна сопственост Скопје, за зголемување на цените на поштенските услуги од опфатот на универзалната услуга од внатрешниот и од меѓународниот поштенски сообраќај.

Цената на основната услуга за писмо-стандардизирано, во прва тежинска стапка - до 50 грама, на АД Пошта Скопје , сега изнесува 43,00 денари.

Новите цени на поштенските услуги на АД Пошта , започнуваат со примена од 01.05.2026 година.

Линк до Решението.

Решението за одобрување на цените на АД Пошта614.77 KB

Регионален дијалог: Предизвици и иновации на пазарот за поштенски услуги и достава

apmin — Mon, 27 Apr 2026 13:09:09 +0000

Регионален дијалог: Предизвици и иновации на пазарот за поштенски услуги и достава apmin Mon, 27.04.2026 - 15:09

На 21 и 22 април, во Сараево се одржа конференција „Регионален дијалог: Предизвици и иновации на пазарот за поштенски услуги и достава“, на која учествуваа претставници од Агенцијата за пошти, претставници на институции, регулаторни тела, на јавни и приватни оператори и претставници од деловната заедница од земјите од регионот.

Настанот беше организиран од Поштенската агенција на Босна и Херцеговина и The Deutsche Gesellschaft für Internationale Zusammenarbeit (GIZ) преку проектот EU4Trade, со цел зајакнување на регионалната соработка и хармонизација на пазарот со правилата на Европската Унија.

Фокус на интеграцијата во ЕУ и регионалната соработка

Првиот ден, конференцијата ја отвори д-р Нино Чориќ член на Советот на Поштенската агенција на БиХ, кој меѓу другото, ја истакна важноста на регионалната соработка, размената на знаења и искуства.

Претставничката GIZ на г-ѓа Аида Бејтула, презентираше регионални проекти насочени кон зајакнување на економската интеграција и олеснување на трговијата, особено во контекст на растот на е-трговијата.

Посебен фокус беше ставен на обврските од процесот на преговори со ЕУ. Марина Марковиќ, раководител на Дирекцијата за поштенски транспорт при Министерството за економски развој на Црна Гора, ги презентираше искуствата на Црна Гора во рамките на Поглавје 3 - Слобода на обезбедување услуги, истакнувајќи ги регулаторните предизвици и потребата од понатамошно усогласување.

Одржливоста станува стандард

На конференцијата беа презентирани и проекти за мерење на емисиите на CO₂ во секторот на поштенски услуги, презентирани од д-р сц. Звонко Кавран, професор на Факултетот за транспорт и врски, Универзитет во Загреб. Беше нагласено дека одржливоста станува сè поважен сегмент од бизнисот, особено во контекст на европските регулативи и пазарните барања.

Панел I: Out-of-Home (OOH) - достава на поштенски пратки како одговор на пазарните потреби

Првиот панел беше посветен на моделите за достава надвор од домот (OOH), кои бележат силен раст низ цела Европа. Учесници на панелот беа:

Марио Хорак, директор за продажба на Хрватска пошта Загреб
Никола Ризниќ, извршен директор на X Express Србија
Јасмин Мариќ, претседател на Здружението за е-трговија на Босна и Херцеговина и директор за продажба на olx.ba
Љиљана Недељковиќ, претставник на RATEL Србија

Панелот го модерираше доц. д-р Адиса Медиќ, професор на Факултетот за транспорт и врски, Универзитет во Сараево. Дискусијата покажа дека OOH решенијата, како што се машините за пакети - пакетомати и точките за подигнување ги намалуваат трошоците за испорака, ја зголемуваат ефикасноста, одговараат на променливите навики на клиентите.

Заклучокот на панелот беше јасен: OOH моделите стануваат клучен дел од логистичките мрежи во регионот.

Панел II: TEMU пратките носат нови предизвици

Вториот панел за TEMU пратките и нивното влијание врз пазарот предизвика особен интерес кај учесниците.На панелот присуствуваа:

Жига Сној, Оддел за пратки, Пошта на Словенија
Раде Стојисављевиќ, извршен директор на Е-Commerce Transfer Serbia
Сандра Божовиќ, претставник на EKIP Црна Гора
Зоран Дуриќ, извршен директор на Пошта на Српска

Панелот го модерираше доц. проф. д-р Естера Ракиќ, експерт на GIZ и регионален консултант од Training Solutions & Consulting.

Панелистите посочија на раст на обемот на пратки со ниска вредност, притисок врз логистичките капацитети, предизвици за регулаторите и царинските процедури. Беше нагласено дека TEMU и слични платформи ја менуваат структурата на пазарот и бараат прилагодување на бизнис моделите.

Недим Морањчиќ од Поштенската агенција на Босна и Херцеговина, кој беше домаќин и модератор на конференцијата, ги истакна клучните пораки од настанот дека Е-трговијата ги забрзува промените во секторот, дека регулаторната рамка мора да го следи развојот на пазарот како и тоа дека иновациите во доставата стануваат стандард и дека регионалната соработка е клучот до успехот.

На 22 април, од страна на претставниците од регулаторните тела на Хрватска, Црна Гора, Србија и Босна и Херцеговина, беа претставени резултатите од извршените мерења на квалитетот на поштенските услуги, како и беа презентирани заклучоци од спроведени истражувања на потребите на корисниците на поштенските услуги, и беа најавени идните активности.

Конференцијата во Сараево потврди дека поштенскиот сектор во регионот е во фаза на интензивна трансформација.

Избор за најдобрите во македонската е-трговија за 2025 E-commerce Awards 2025.

apmin — Mon, 23 Mar 2026 09:34:26 +0000

Избор за најдобрите во македонската е-трговија за 2025 E-commerce Awards 2025. apmin Mon, 23.03.2026 - 10:34

На 11 март во Park by Ragusa во Скопје, во организација Асоцијацијата за е-трговија на Северна Македонија (АЕТСМ) се одржа гала манифестација за E-commerce Awards 2025.

E-commerce Awards е национален избор за најдобрите во македонската е-трговија, организиран од АЕТСМ со цел да се препознаат и наградат најдобрите е-трговци, да се промовира е-трговијата и да се поттикне нејзино унапредување и конкурентностa.

На оваа манифестација беа доделени 38 награди во 18 категории, гласани од над 36.000 гласови од јавноста и 13 члена жири комисија. За е-трговец на годината за 2025 година беше избранa е-продавницата Coslovemetics - https://coslovemetics.mk/ .

За прв пат на оваа 5-та едиција како член на жири комисијата беше и претставник од Агенцијата за пошти, Ана Ковачевска раководител на директоратот за заштита на правата на корисници и ПР.

На настанот присуствуваше директорката на Агенцијата за пошти г-ѓа Марина Тоневска, како и претставници од неколку државни институции, од приватниот сектор како е-продавници, банки, претставници на даватели на поштенски услуги, маркетинг агенции е-платформи и логистика и други компании кои се дирекно вклучени во ланецот на електронската трговија.

Повеќе за методологијата на избор, за наградите и категориите можете да се информирате на следниот линк: https://ecommerceawards.mk/pobednici/

Тркалезна маса на тема „ Спроведување мерки со кои се создаваат предуслови за квалитетно обезбедување на поштенските услуги “

apmin — Mon, 09 Mar 2026 10:17:31 +0000

Тркалезна маса на тема „ Спроведување мерки со кои се создаваат предуслови за квалитетно обезбедување на поштенските услуги “ apmin Mon, 09.03.2026 - 11:17

На 25.02.2026 година во Подгорица – Црна Гора, во организација на Агенција за електронски комуникации и поштенски работи на Црна Гора ( https://ekip.me/page/postal-services ) a во соработка со проектот EU4Trade кој го спроведува Германско друштво за интернационална соработка (Deutsche Gesellschaft für Internationale Zusammenarbeit (GIZ) GmbH ) се одржа тркалезна маса на тема „Спроведување мерки со кои се создаваат предуслови за квалитетно обезбедување на поштенските услуги “.

Настанот ги собра клучните национални засегнати страни, како и регулаторните органи од регионот - AKOS (Словенија), HAKOM (Хрватска), RATEL (Србија), RAP (Босна и Херцеговина) и AP (Северна Македонија) - истакнувајќи ја важноста на регионалната соработка во рамките на ЦЕФТА ( Central European Free Trade Agreement ).

На работилницата присуствуваа претставници од Агенцијата за пошти, Данијела С. Томовска – Раководител на директоратот за следење и анализа на пазарот и Ана Ковачевска - Раководител на директоратот за заштита на правата на корисници и односи со јавноста.

Дискусиите се фокусираа на зајакнување на стандардите за квалитет и подобрување на методологиите за мерење на перформансите на услугите, особено во однос на времето на испорака и независните механизми за контрола на квалитетот. Регионалните искуства обезбедија вредни насоки за понатамошен развој на регулаторната рамка на Црна Гора.

Беше разгледана и димензијата на одржливост на секторот, вклучително и презентацијата на проценката на емисиите на CO₂ во рамките на Пошта Црне Горе, нагласувајќи ја важноста од интегрирање на еколошките аспекти во долгорочното планирање на секторот.

Учесниците нагласија дека одржувањето на висококвалитетни поштенски услуги бара континуирано прилагодување кон дигитализацијата, еволуирачките модели на комуникација и растечките очекувања на корисниците. Обезбедувањето одржливост на поштенските оператори - со одржување на обемни инфраструктурни мрежи - останува значаен предизвик, што ја прави институционалната координација и регионалната размена на добри практики неопходни за идниот развој на поштенскиот сектор.

Работен состанок на Агенцијата за пошти

apmin — Mon, 09 Mar 2026 10:14:20 +0000

Работен состанок на Агенцијата за пошти apmin Mon, 09.03.2026 - 11:14

На 20.02.2026 година (петок) со почеток во 12 часот, во конференциската сала на Хотел Солун се оддржа Работен состанок на Агенцијата за пошти.

Со цел да го продолжи транспарентното работење и на заинтересираните

страни да им овозможи да бидат запознаени со работата на Агенцијата, да им даде можност на присутните да ги изразат своите ставови и мислења за унапредување на состојбите во областа на поштенските услуги, Комисијата и Директорот на Агенцијата за пошти ги покани лиценцираните давателите на поштенските услуги да учествуваат состанокот кој го имаше следниот Дневен ред:

1.Состојба на пазарот;

2.Регулатива и активности;

3.Разно.

По првата точка од Дневниот ред, директорката на Агенција за пошти, Марина Тоневска информираше за состојбата на поштенскиот пазар во почетокот на 2026 година, за интересот на правните субјекти за влез на пазарот, за зајакнување на надзорната функција на Агенцијата, потребата од подобрување на системите за корисничка поддршка на лиценцираните даватели на поштенски услуги, за зголемување на обемот на меѓународните поштенските пратки кои се од дојдовен сообраќај, како и за активности кои се предвидени во Годишната програма за работа за 2026 година на Агенцијата.

По втората точка, претседателот на Комисијата на Агенцијата за пошти, Душан Бекриќ информираше за извршената промена на Правилникот за начинот на определување на бројот на поени и на вредноста на поенот за пресметување на годишниот надоместок, прецизно образложувајќи го основот и потребата за извршената промена. Понатаму, тој извести дека заради подобрување и усогласување со поштенската директива и со светските трендови, се работи и на измени и во Законот за поштенските услуги и дека за текот на процедурата, навремено ќе бидат известени и давателите на поштенските услуги. Исто така, тој најави и креирање на нов софтвер на Агенцијата, преку кој давателите ќе бидат дирекно поврзани со истиот, и на тој начин ќе им биде поедноставено доставувањето на податоците и информациите до Агенцијата кои се круцијално значење за навремена и прецизна анализа на истите. Поврзано со тоа, претседателот ги извести присутните дека се работи и на измена на Правилникот за видовите на финансиски податоци и информации поврзани со обезбедувањето на поштенските услуги и начинот на нивното доставување , и дека обврската за поднесување на извештаите ќе биде променета на квартално ниво наместо два пати годишно како што е моментално.

Претседателот Бекриќ информираше дека Министерството за транспорт и Владата се залагаат и се фокусирани кон обезбедување поголема поддршка на давателот на универзалната услуга АД „Пошта на Северена Македонија“ со цел да придонесат во подобрување на перформансите на давателот, кој е должен да ја обезбедува универзалната услуга секој работен ден , но не помалку од пет пати неделно, најмалку едно собирање и една достава на поштенските пратки кај секое правно или физичко лице.

На состанокот, присутните беа информирани дека Агенцијата ќе спроведе ревизија на постојните лиценци, со посебен акцент на општите овластувања што овозможуваат обезбедување услуги за препорачани писма.

По третата точка – Разно, на претставниците на давателите на поштенски услуги им беше овозможено активно да се вклучат во дискусијата, да поставуваат прашања и да изнесуваат сугестии и предлози во врска со точките од дневниот ред, како и да отворат прашања за конкретни потешкотии со кои се соочуваат при обезбедувањето на поштенските услуги.

Ваквите работни состаноци со давателите на поштенските услуги и регулаторот се од особена важност за унапредување на целокупниот поштенски сектор. Тие претставуваат значајна платформа за отворен и конструктивен дијалог, размена на мислења, предлози, идеи и релевантни информации меѓу сите засегнати страни.

Преку ваквата соработка се зајакнува меѓусебната доверба, се идентификуваат предизвиците со кои се соочува пазарот и се креираат заеднички решенија насочени кон негово подобрување. Континуираната комуникација и партнерскиот пристап можат единствено да придонесат кон поефикасно функционирање, поголема транспарентност и унапредување на состојбата на пазарот на поштенски услуги.

Одлука за избор на кандидат за унапредување

apmin — Wed, 25 Feb 2026 10:59:36 +0000

Одлука за избор на кандидат за унапредување apmin Wed, 25.02.2026 - 11:59

Одлука за избор на кандидат за унапредување 2026 година1.52 MB

ИНТЕРЕН ОГЛАС бр.1/2026

apmin — Fri, 30 Jan 2026 10:55:30 +0000

ИНТЕРЕН ОГЛАС бр.1/2026 apmin Fri, 30.01.2026 - 11:55

Врз основа на член 10 од Колективниот договор на Агенцијата за пошти бр.1-151/1 од 26.07.2018 година, изменет и дополнет со Колективен договор на на Агенцијата за пошти бр.04-99/1 од 01.04.2022 година, Правилникот за систематизација на работните места во Стручната служба на Агенцијата за пошти бр.01-88/3 од 05.05.2016 година и Правилникот за именување и пополнување на Правилникот за систематизација работните места во Стручната служба на Агенцијата за пошти бр.01-88/3 од 05.05.2016 година и Правилникот за именување и пополнување на Правилникот за систематизација работните места во Стручната служба на Агенцијата за пошти бр.01-43/3 од 21.01.2019 година, 01-107/8 од 28.03.2019 година, бр.02-219/5 од 20.09.2019 година, бр.02-160/3 од 26.06.2020 година, бр.02-61/5 од 17.01.2021 година, бр.02-129/5 од 17.05.2021 година, бр.02-136/7 од 30.05.2022 година, и бр.02-188/6 од 22.09.2019 година, Годишен план за вработување на Агенцијата за пошти за 2026 година со бр.04-257/1 од 21.08.2025 година Агенцијата за пошти објавува:

ИНТЕРЕН ОГЛАС бр.1/2026

Оглас1.5 MB

Пријава343.74 KB

Одржан 24-от Јавен состанок на Агенцијата за пошти

apmin — Fri, 26 Dec 2025 12:50:51 +0000

Одржан 24-от Јавен состанок на Агенцијата за пошти apmin Fri, 26.12.2025 - 13:50

Почитувајќи го принципот на транспарентно работење, на 24-ти декември во просториите на хотел Холидеј Инн беше одржан 24-от јавен состанок на Агенцијата за пошти, на кој пред чинителите во поштенскиот сектор беа презентирани реализираните активности, плановите за делување во 2026 година, како и Анализата на пазарот на поштенски услуги во Република Северна Македонија за 1-во полугодие за 2025 година.

На состанокот присуствуваа заменик претседателот на Владата и министер за транспорт, Александар Николовски, претседателот на Комисијата на Агенција за пошти Душан Бекриќ, членовите на Комисијата Слободанка Галеска, Павлинче Честојнова, Андреј Јосифовски и Фадил Шабани, генералниот директор на АД Пошта Орхан Куртиши и членови на Управниот одбор на давателот на универзалната услуга, претставници на давателите на поштенски услуги, медиумите, како и други поканети гости од институциите и организациите со кои соработува Агенцијата за пошти.

Вицепремиерот Николоски во своето обраќање меѓудругото истакна:

„Работиме за Македонска пошта како државна пошта конечно да ја издигнеме со квалитет и да обезбедува најквалитетни услуги на пазарот. Иако Македонија ја следи европската пракса за регулација на поштенскиот пазар, таквата работа создава главоболка во услови кога државната пошта како општествена компанија реализира услуги кога никој друг тоа не го прави. Затоа Владата ќе донира 100 нови возила за Пошта, а се размислува за законски измени со кои ќе се променат работите.“

Како што потенцира, целта е да се заштити државниот капитал, да се издигне Пошта на поквалитетно ниво и да се избегне праксата на претходните Влади кои сакале да го продаваат државниот капитал, и дека во таа насока соработката со Агенцијата ќе има клучна улога и дека е потребна соработка.

Во своето обраќање, осврнувајќи се на реализираните активности во 2025 година, директорката на Агенција за пошти, Марина Тоневска истакна: „ Приватната конкуренција никогаш досега немала толку густо развиена поштенска мрежа низ државата и толку голем број на луѓе не биле ангажирани во доставата. Тему пратките годинава направија вистински бум и ја поттикнаа искусната конкуренција да се проширува и позиционира се поблиску до граѓаните. Но, пазарот се уште бара и има право да очекува подобрувања во услугите, од сите инволвирани, вклучително и од давателот на универзалната услуга . Агенцијата е тука секогаш да ги слушне и да одговори на тие барања.“

Таа информираше дека статистиките за првото полугодие од 2025 година во однос на 2024 година, покажуваат зголемување на вкупниот обем од околу 6.8 % остварен од обезбедување на поштенски услуги, како и зголемување на обемот на пакети од околу 35 % кај давателите на поштенски услуги на слободниот пазар.

На јавниот состанок беше презентирана Анализата на пазарот на поштенски услуги во Република Северна Македонија за I-во полугодие за 2025 година од страна на раководителката на Директоратот за следење и анализа на пазарот, Данијела Спасиќ Томовска.

(Анализа на пазарот на поштенски услуги во Република Северна Македонија за 1-во полугодие за 2025 година објавена во целост на веб страната на Агенцијата за пошти) Линк:

„Нашите цели се амбициозни, но сепак суштинскин и со уште посилен елан ќе работиме на остварувањето на истите.“ - додаде директорката Тоневска, осврнувајќи се на идните планови и проекти кои ќе се реализираат во 2026 година.

Од страна на присутните беше изразено задоволство од успешниот јавен состанок, преку поставените прашања и плодните дискусии преку кои јасно се потенцира партнерскиот, транспарентниот и инклузивен однос на Агенцијата со сите чинители во поштенскиот сектор.

Покана за присуство на 24-от Јавен состанок на Агенцијата за пошти

apmin — Tue, 23 Dec 2025 09:21:01 +0000

Покана за присуство на 24-от Јавен состанок на Агенцијата за пошти apmin Tue, 23.12.2025 - 10:21

Почитувани,

Агенцијата за пошти Ве поканува да присуствувате на 24-от Јавен состанок, кој ќе се одржи на 24.12.2025 година (среда) со почеток во 11 часот во конференциската сала на хотел Холидеј Инн во Скопје.

Почитувајќи го принципот на транспарентно работење, Агенцијата своите јавни состаноци ги организира со цел да им овозможи на сите заинтересирани страни да се информираат за преземените активности и за регулаторните мерки во тековната годината. Оваа прилика ја користи и да ја презентира состојбата на поштенскиот пазар во Република Северна Македонија, како и да ја запознае јавноста со тековните активности , плановите и програмите за делување во идниот период.

Јавниот состанок ќе го има следниот дневен ред:

Рекапитулација на активностите на Агенцијата за пошти
Анализа на пазарот на поштенските услуги во Република Северна Македонија за првото полугодие од 2025 година;
Идни планови

Во прилог е Агендата за настанот.

Ве молиме Вашето присуство да го потврдите на следната е- маил адреса [email protected]" style="color:#0563c1; text-decoration:underline">[email protected] или телефонски на 3 212-107, најдоцна до 23.12.2024 година (вторник).

ТПЛ ТОТАЛ ПОСТ ЛОГИСТИК ДООЕЛ Скопје не е повеќе давател на поштенски услуги

apmin — Fri, 19 Dec 2025 10:33:00 +0000

ТПЛ ТОТАЛ ПОСТ ЛОГИСТИК ДООЕЛ Скопје не е повеќе давател на поштенски услуги apmin Fri, 19.12.2025 - 11:33

ТПЛ ТОТАЛ ПОСТ ЛОГИСТИК ДООЕЛ Скопје не е повеќе давател на поштенски услуги.

Агенцијата за пошти го избриша од службената евиденција за даватели на поштенски услуги Друштвото за промет и услуги ТПЛ ТОТАЛ ПОСТ ЛОГИСТИК ДООЕЛ Скопје.

Агенцијата за пошти го укина Општото овластување на давателот на поштенски услуги ТПЛ Тотал Пост Логистик Дооел Скопје, поради неисполнување на правата и обврските од Општото овластување, согласно член 45 став 4 од Законот за поштенските услуги, со Решение бр. 02-362/3 од 17.12.2025 година. Од тој датум ТПЛ Тотал Пост Логистик Дооел Скопје го изгуби статусот на давател на поштенски услуги.

Поради губење на статусот на давател на поштенски услуги, ТПЛ Тотал Пост Логистик Дооел Скопје е избришан од службената евиденција на даватели на поштенски услуги, согласно член 26 став 3 од Законот за поштенските услуги.

Друштвото за промет и услуги ТПЛ ТОТАЛ ПОСТ ЛОГИСТИК ДООЕЛ Скопје, работеше во поштенскиот сектор од 25.02.2025 година врз основа на Општо овластување издадено од Агенцијата за пошти бр. 02-56/6 за обезбедување поштенски услуги во внатрешен и меѓународен сообраќај, и претходно од 14.05.2015 година.