Агенцијата за пошти како независно регулаторно тело од областа на поштенските услуги треба да осигура обезбедување на универзалната услуга на цела територија, со определен квалитет и пристапни цени за сите корисници, односно почитување на законската регулатива од страна на давателот на универзална услуга – АД Пошта на Северна Македонија, без разлика на неговата сопственичка структура - вели во интервју за МИА, директорката на Агенцијата за пошти, Билјана Аврамоска Ѓореска.

Агенцијата има надлежност да ги употреби сите регулаторни мерки кои законот ги дава, се со една цел  - непречено одвивање на  извршување на сет поштенски услуги, наречени универзална услуга, за кои државата се обврзала дека ќе им бидат достапни на граѓаните, институциите и правните субјекти. Агенцијата во 2008 година ја назначи  АД Пошта на Северна Македонија за давател на универзалната услуга и од тогаш  ги следи перфомансите со кои се  извршуваат овие сет на услуги за писма до 2 кг. и пакети до 10 кг. како во внатрешниот така и во меѓународниот поштенски сообраќај –

Ако ме прашувате дали приватизацијата или јавно-приватно партнерство на давателот на универзалната услуга ќе влијае на цените на универзалната услуга, одговорот е НЕ, односно приватизацијата во првиот момент  нема да  влијание на цените на универзалната услуга (поштенски пратки до 2кг и пакети до 10кг) кои мора да ги исполнуваат критериумите утврдени со Законот за поштенските услуги(цените треба да  бидат пристапни, базирани на трошоци, транспарентни, утврдени на недискриминаторска основа и еднакви за сите корисници на целата територија) – истакна Аврамоска Ѓореска.

Целото интервју на следниот линк:

https://mia.mk/reforma-na-nacionalnata-poshta-i-ukinuva-e-na-monopolot-za-konkurenten-poshtenski-pazar/