На 4 ноември во Националната опера и балет во Скопје, се оддржа осмото издание на  Регионалната конференција за е-трговија, најголемиот регионален настан посветен на развојот на е-трговијата, организиран од страна на Асоцијацијата за е-трговија на Македонија (АЕТМ). Под слоганот „Fasten the Future“, конференцијата и оваа година ја постави сцената за иднината на дигиталнaта економија, спојувајќи ги е-трговијата, маркетингот и вештачката  интелигенција како двигатели на растот на бизнисите. На настанот присуствуваше Марина Тоневска директорка на Агенц

Агенцијата за пошти на ден 16.10.2025 година го избриша од службената евиденција за даватели на поштенски услуги Друштвото за брза пошта ДИЛИВЕРИ СЕРВИС ИНТЕРНЕШЕНЕЛ ДООЕЛ Скопје. Со Решение бр. 02-308/1 од   14.10.2025 година,  Агенцијата за пошти  го укина...

Светскиот ден на поштите се одбележува секоја година на 9 октомври. Тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн.

Вработените на Агенцијата за пошти и оваа година ја поддржаа „Европската недела на мобилност” која на иницијатива на Европската комисија се спроведува секоја година, во периодот од 16 до 22 септември.  Оваа година, темата е  Mobility for everyone!- Мобилност за сите! чија цел е да ја нагласи потребата од обезбедување пристап до одржлив транспорт за сите граѓани, без оглед на нивниот приход, локација, пол или способности.

Оваа година, 28-от Светски поштенски конгрес ќе се одржи во Дубаи, Обединети Арапски Емирати, започнувајќи од 8 септември кој ќе трае до 19 септември 2025 година. Конгресот е врховен орган на Светскиот Поштенски Сојуз (Universal Postal Union -UPU) кој  се состанува на секои четири години. Ополномоштени претставници од 192-те земји-членки на Сојузот се собираат по оваа пригода за да одлучат за нова стратегија и да ги постават идните правила за меѓународна размена на пошта. Вонреден конгрес може да се свика и на барање или со согласност на најмалку две третини од земјите-членки на СПС. До денес, Сојузот има одржано четири вонредни конгреси: во 1900 година во Берн, Швајцарија; во 2018 година во Адис Абеба, Етиопија; во 2019 година во Женева, Швајцарија; и во 2023 година во Ријад, Саудиска Арабија. На 28-от Светскиот поштенски конгрес ќе учествуваат и претставници од нашата држава.

АД „Пошта на Северна Македонија“-Скопје привремено го прекина приемот на пратки што содржат стока за САД, почнувајќи од 21.08.2025 година.   Прекинот не се однесува за писмата за САД. Прекинот е поради краткиот рок за прилагодување кон новите американски царински правила за поштенски пратки со комерцијална стока со вредност до 800 US долари кои се увезуваат во САД.

На 12-ти и 13-ти мај, во Прилеп и Кавадарци Агенцијата за пошти го реализираше пролетниот караван „АП поблиску до корисниците на поштенски услуги!“. Ова е втора година како Агенцијата за пошти ги оддржува овие едукативни средби, со цел да ја доближи работата на давателите на поштенски услуги пред пошироката јавност, како и да ја подигне јавната свест за начинот на користење на правата на корисниците на поштенски услуги.

Стремејќи се да ја доближи работата на давателите на поштенските услуги пред пошироката јавност, како и да ја подигне јавната свест за начинот на користење на правата на корисниците на поштенските услуги, Агенцијата за пошти во соработка со Канцеларијата на Народниот Правобранител, на 12-ти и 13-ти мај 2025 година, ќе продолжи да го спроведува својот информативен караван „АП ПОБЛИСКУ ДО КОРИСНИЦИТЕ НА ПОШТЕНСКИТЕ  УСЛУГИ“.

Агенцијата за пошти на ден 07.05.2025 година го избриша од службената евиденција за даватели на поштенски услуги, Друштво за дистрибуција, трговија и услуги КОЛПОРТЕР ДОО Скопје, поради престанок со обезбедување поштенски услуги. Агенцијата за пошти   согласно член 38 став 3 од Законот за поштенските услуги на 06.05.2025 година констатира престанок со обезбедување поштенски услуги од давателот на поштенски услуги  Колпортер ДОО Скопје,  со што Колпортер ДОО Скопје го изгуби статусот на давател на поштенски услуги.

Агенцијата за пошти на ден 06.05.2025 година го избриша од службената евиденција за даватели на поштенски услуги, Друштвото за промет и услуги ХИ ЛОГИСТИК ДООЕЛ Скопје, поради престанок со обезбедување поштенски услуги.