Агенцијата за пошти го одобри барањето на АД за поштенски сообраќај “Пошта на Северна Македонија“ во државна сопственост - Скопје, за промена на цени за обезбедување на поштенски услуги од опфатот на универзалната услуга во внатрешниот поштенски сообраќај со Решение УП I бр.02-81 од 20.01.2023 година. Цената на поштенската услуга за пратките за коресподенција од стандарната категорија во првата тежинска стапка до 50 грама на давателот на универзалната услуга изнесува 36,00 денари.

Поднесени рекламации во 1-то полугодие од 2022 година

Претставници на Агенцијата за пошти, учествуваа на билатералниот скрининг за Поглавјето 3 „Право на основање и слобода на давање услуги, Кластер 2 - Внатрешен пазар. Директорката на Агенцијата за пошти, Билјана Аврамоска Ѓореска учествуваше на билатералниот скрининг со Европската Kомисија за Поглавјето 3 „Право на основање и слобода на давање услуги“,Кластер 2 - Внатрешен пазар.

Агенцијата за пошти одобри нови цени за поштенски услуги во внатрешниот поштенски сообраќај во опфатот на универзалната услуга, со решение УП I бр. 02-81 од 20.01.2023 година, на барање за промена на цените поднесено од АД за поштенски сообраќај „Пошта на Северна Македонија“ во државна сопственост – Скопје.

Агенцијата за пошти се здоби со сертификат МКС EN ISO 9001:2015, со кој се потврди дека го применува системот за менаџмент со квалитет согласно барањата на стандардот. Активностите на Агенцијата за пошти беа проверени согласно барањата на стандардот и со тоа се потврди дека организацијата ги исполнува барањата на соодветниот стандард и очекуваните резултати во врска со исполнувањето на барањата на клиентите и релевантни закони и прописи со цел да се зголеми задоволството на клиентите, процесите на интерната проверка и преиспитувањето на раководството.

Агенцијата за пошти како независно регулаторно тело од областа на поштенските услуги, и во 2022 година во рамки на активностите за следење и анализа на пазарот и оваа година спроведе преку независна компанија „Истражување за потребите на корисниците на поштенските услуги“. Предмет и цел на истражувањето Основен предмет и цел на бараното истражување беше проценка на потребите на корисниците на поштенските услуги. Истражувањето даде одговор и проценка колку обезбедувањето на поштенските услуги од страна на давателите на поштенските услуги ги задоволува потребите на корисниците.

„Транспарентност при обезбедување на поштенски услуги” е насловот на новата  брошура во издание на Агенцијата за пошти.

Агенцијата за пошти, како одговорна институција ја практикува “активната транспарентност“ која подразбира примена на концепт на самоиницијативно објавување на значајни документи од областа на поштенските услуги, но и информации за буџетското и програмското работење на својата веб страница.  

Почитувајќи го принципот на транспарентно работење, Агенцијата го одржа 19-от јавен состанок на кој ги информираше сите чинители на пазарот на поштенските услуги за преземените активности и регулаторни мерки во 2022 година. Воедно, на јавниот состанок, јавноста беше запознаена со состојбата на поштенскиот пазар во Република Северна Македонија, како и со плановите и програмите за делување во идниот период.