Агенцијата за пошти на ден 21.08.2024 година го избриша од службената евиденција за даватели на поштенски услуги ТЕЛКО ИНВЕСТМЕНТ ГРУП ДООЕЛ Прилеп.

На 20 јуни 2024 година во Виена, Австрија се одржа работилница на тема “Ранлива категорија на корисници во поштенскиот свет: Кој? Кои потреби? Што е следно?” на која воведно излагање имаше г-дин Клаус M.Стеинмауререр -извршен директор на регулаторното тело на телекомуникации и пошти на Австрија (Austrian Regulatory Authority for Broadcasting and Telecommunications - RTR), како и г-дин Ден Сјоблом- директор и претседавач на ЕРГП - Групата на европски поштенски регулатори.

Услов за буџетските пари е да го снема ценовниот монопол за писмата до 50 грама. Дури и годинава да бидат усвоени измените на Законот за поштенски услуги, АД Пошта, може да побара компензација за трошоците за универзалната услуга за 2025 година во 2026 година. Агенцијата за пошти потоа ќе ги верификува пресметките и износот за државна помош да се испланира за во Буџетот во 2027 година. Процесот не е ниту едноставен, ниту брз, објаснува за „Слободен печат“, директорот на Агенцијата, Сретен Миладиноски, но сепак е единствен потврден механизам кој може да помогне да се надминат некои од проблемите во функционирањето на давателот на универзална услуга. И кога еднаш ќе почне, додава тој, не би требало да има натамошни застои во секоја од наредните години.

На 05.06.2024 година, претседателката на Асоцијација за е-трговија на Македонија – АЕТМ, д-р Нина Ангеловска Станков и директорот на Агенција за пошти, д-р Сретен Миладиноски, потпишаа Меморандум за соработка, преку кој двете страни заеднички ќе се залагаат и ќе придонесуваат кон намалување на сивата економија во е-трговијата и нерегистрираните онлајн продавачи во Македонија.