Соопштенија | Агенција за пошти

Меѓународен конкурс за пишување писмо 2016

Агенцијата за пошти на Република Македонија и оваа пролет продолжува со благородната кампања за негување на традицијата за пишување писма и за поттикнување на писмовната комуникација и на јазичната префинетост кај младите. Конкурсот за пишување писмо е отворен за млади луѓе од 9 до 15- годишна возраст и ќе трае од 15-ти март до 15-ти април 2016 година. Текстовите треба се напишани со своерачен ракопис и во форма на писмо да се испратат на адресата: Агенција за пошти, П. Фах 160, 1000 Скопје. Писмата не треба да содржат повеќе од 800 зборови.

Новогодишно изненадување

Агенцијата за пошти и Театарот за деца и младинци на децата од Детскиот дом „11-Октомври“ им приредија забава по повод Новогодишните и Божиќни празници. Во театарот беше одиграна претставата „Лакомата меца“ во изведба на актерите Ана Левајковиќ Бошков, Катарина Илиевска-Силјановска и Владимир Лазовски. По завршувањето на едукативната претставата децата беа изненадени од Дедо Мраз кој ги израдува и им подели новогодишни пакетчиња.

Десеттата јавна седница на Агенцијата за пошти

Десеттата јавна седница на Агенцијата за пошти се одржa на 23.12.2015 година (среда) во хотел Holiday Inn, во Дневната сала.

По принципот на своето транспарентно работење, оваа седница им овозможи на сите заинтересирани страни да се информираат и запознаат со нејзините превземени активности и идни планови.

Информација за поштенски даватели

Агенцијата за пошти ги информира граѓаните, правните лица и институциите во Република Македонија, корисници на поштенски услуги, дека поштенски услуги на целата територијата на Република Македонија или на нејзин одреден дел, може да вршат само оние правни лица кои имаат статус на даватели на поштенски услуги врз основа на Индивидуална дозвола или на Општо овластување, издадени од страна на Агенцијата за пошти. Лиценците за внатрешниот поштенски сообраќај може да важат или за цела територија на Република Македонија или локално, за ограничено географско подрачје.

Ден на дрвото

Во пресрет на 16-та Есенска акција „Денот на дрвото-засади ја својата иднина“, Агенцијата за пошти заедно со дипломатскиот кор во Македонија, учествуваше во садувањето на млади садници во општина Петровец, во кругот на Јавното претпријатие „Јасен”.

Светски ден на поштата

Светскиот ден на поштата се празнува секоја година на 9 октомври, тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн. Целта на Светскиот ден на поштата е да ја подигне јавната свест за улогата на поштенскиот сектор во секојдневниот живот на луѓето и бизнисите и неговиот придонес за општествениот и економски развој на земјите.

Награди на меѓународниот конкурс за пишување писмо

Во конкуренција на 1,5 милиони деца од цел свет, Сара Џадид од Либан е победник на меѓународниот конкурс за пишување на писмо во организација на Светскиот поштенски сојуз. Таа го импресионира интернационалното жири со срцепарателна молба за свет без војна. Како дел од наградата за неа е обезбедено патување во Швајцарија и посета на Интернационалното биро на Светскиот поштенски сојуз.

Австриските поштенски работници се справија со агресивните кучиња

Австриската Пошта започна да им дава на своите работници колачиња за кучиња, со цел да им помогне да се справат со агресивни миленици кога доставуваат пошта. Одлуката да им се даде на 9.000 работници торба со кучешки бисквити која ќе ја носат со себе секој ден е донесена откако 47 работници биле каснати минатата година, изјави портпаролот.

Како технологијата ги спаси ѕвездите на калиграфијата

Некои велат дека технологијата го убива ракописот, но тоа е погрешна констатација. Нова генерација на калиграфи ги користат социјалните медиуми за да развијат аналогија на уметноста на калиграфијата во дигиталниот свет.

ИН ТАКСИ ДОО СКОПЈЕ престана да врши поштенски услуги

Сметано од 01.06.2015 година ИН ТАКСИ ДОО СКОПЈЕ престана да обезбедува поштенски услуги во внатрешен сообраќај на територијата на Република Македонија и го изгуби статусот на давател на поштенски услуги.