Агенцијата за пошти, на ден  09.04.2021 година поднесе барање за приоритет во постапката за вакцинација до Владата на Република Северна Македонија и Министерството за здравство.

Во поштенскиот сектор работат 3455 вработени (2275 во АД Пошта на Северна Македонија и 1180 кај останатите даватели на поштенски услуги), кои секојдневно вршејќи ги своите работни ангажмани се движат со голема динамика во комуникација и директен контакт со граѓаните при прием и достава на пратки и други поштенски услуги. Поштенските работници се дел од критичната инфраструктура, како што се здравствените работници, вработените во полицијата, Армијата, комуналните служби, образованието, и другите даватели на услуги на кои природата на работа им е поврзана со секојдневен физички контакт со граѓаните.