Светскиот ден на поштите се одбележува секоја година на 9 октомври.

Тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн.

Целта на Светскиот ден на поштите е да се подигне свеста за улогата на поштата во секојдневниот живот на луѓето и бизнисите, како и за нејзиниот придонес кон глобалниот општествен и економски развој.

Како резултат на тоа, земјите-членки на СПС се охрабруваат да организираат свои национални активности за да го прослават настанот, вклучувајќи сè, од воведување или промоција на нови поштенски производи и услуги, до организирање денови на отворени врати во поштите, поштенските центри и поштенските музеи.

Оваа година темата е #PostForPeople: Local Service. Global Reach (#ПоштаЗаЛуѓе: Локална услуга. Глобален досег) , со што кампањата ја истакнува поштата како витална јавна услуга вкоренета во заедниците и водена од луѓето.