Агенцијата за пошти на Република Македонија и оваа пролет продолжува со благородната кампања за негување на традицијата за пишување писма и за поттикнување на писмовната комуникација и на јазичната префинетост кај младите. Конкурсот за пишување писмо е отворен за млади луѓе од 9 до 15- годишна возраст и ќе трае од 15-ти март до 15-ти април 2016 година. Текстовите треба се напишани со своерачен ракопис и во форма на писмо да се испратат на адресата: Агенција за пошти, П. Фах 160, 1000 Скопје. Писмата не треба да содржат повеќе од 800 зборови.

Агенцијата за пошти и Театарот за деца и младинци на децата од Детскиот дом „11-Октомври“ им приредија забава по повод Новогодишните и Божиќни празници.  Во театарот беше одиграна претставата „Лакомата меца“ во изведба на актерите Ана Левајковиќ Бошков, Катарина Илиевска-Силјановска и Владимир Лазовски.  По завршувањето на едукативната претставата децата беа изненадени од Дедо Мраз кој ги израдува и им подели новогодишни пакетчиња.

Во пресрет на 16-та Есенска акција „Денот на дрвото-засади ја својата иднина“, Агенцијата за пошти заедно со дипломатскиот кор во Македонија, учествуваше во садувањето на млади садници во општина Петровец, во кругот на Јавното претпријатие „Јасен”.

Светскиот ден на поштата се празнува секоја година на 9 октомври, тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн. Целта на Светскиот ден на поштата е да ја подигне јавната свест за улогата на поштенскиот сектор во секојдневниот живот на луѓето и бизнисите и неговиот придонес за општествениот и економски развој на земјите.

Во конкуренција на 1,5 милиони деца од цел свет, Сара Џадид од Либан е победник на меѓународниот конкурс за пишување на писмо во организација на Светскиот поштенски сојуз. Таа го импресионира интернационалното жири со срцепарателна молба за свет без војна. Како дел од наградата за неа е обезбедено патување во Швајцарија и посета на Интернационалното биро на Светскиот поштенски сојуз.

Австриската Пошта започна да им дава на своите работници колачиња за кучиња, со цел да им помогне да се справат со агресивни миленици кога доставуваат пошта. Одлуката да им се даде на 9.000 работници торба со кучешки бисквити која ќе ја носат со себе секој ден е донесена откако 47 работници биле каснати минатата година, изјави портпаролот.

Некои велат дека технологијата го убива ракописот, но тоа е погрешна констатација. Нова генерација на калиграфи ги користат социјалните медиуми за да развијат аналогија на уметноста на калиграфијата во дигиталниот свет.

На 28-ми и 29-ми мај 2015 година во Софија, Република Бугарија се одржа 50-тата годишна Пленарна седница на Европскиот комитет за поштенски регулации (CERP).

На пленарната седница учествуваа претставници од 29 земји членки на Европската конференција на поштенски и телекомуникациски администрации (CEPT) со 72 делегати и 5 делегати посматрачи.

Со цел да им се помогне на граѓаните кои беа погодени од поплавите и поројните врнежи од дожд кои беа најинтензивни во месецот февруари оваа година, да им се подаде рака кога најмногу им е потребно, Агенцијата за пошти во соработка со АД „Македонска пошта“покрена иницијатива за хуманитарна акција „Збор за надеж “ за помош на луѓето од поплавените подрачја. Главна активност е испраќањето на картички со пораки за поддршка на нашите сограѓани кои беа погодени од невремето. Илустрацијата за пригодната картичка ја направи данскиот уметник Peter Hermann.

Поддршка на земјите од Европа и земјите од Централна Источна и Југоисточна Европа во реформите во поштенскиот сектор и развојните процеси преку методологијата на Светскиот поштенски сојуз. На 24 и 25 мај 2015 год. Агенцијата за пошти беше домаќин на Регионална конференција на Светскиот поштенски сојуз (UPU) и PostEurop.