Промоција на брошурата „Права и обврски на корисниците на поштенските услуги“
![apmkopm](/sites/default/files/styles/slide850/public/2021-12/APMKopm.png.jpg?itok=8GlVcDoS)
Агенцијата за пошти (АП) во соработка со Организација на потрошувачите на Македонија (ОПМ) преку Програмата за заштита на потрошувачите на Град Скопје изработи брошура за правата и обврските на корисниците на поштенските услуги.
На 11.12.2021 година (сабота) во трговскиот центар Сити Мол беше одржан промотивен настан на кој ОПМ и АП ја презентираа брошурата „Права и обврски на корисниците на поштенските услуги“.
Директорката на Агенцијата за пошти Билјана Аврамоска Ѓореска изјави дека оваа брошура е одбележување на почетокот на соработката помеѓу двете институции кои оваа година потпишаа меморандум, се со цел да реализираат проекти и активности за заштита на потрошувачите- корисници на поштенски услуги во нашата држава.
На настанот присуствуваа претставници од неколку медиуми кои придонесоа во информирањето на граѓаните за нивните права и обврски како корисници на поштенски услуги.
Во периодот од 11 до 14 часот во просториите на трговскиот центар, на посетителите им беа поделени брошури кои беа достапни на македонски и албански јазик.
![Слика ОПМ](/sites/default/files/2021-12/IMG-61044e5aa4500cc1af5d59470486d5ea-V.jpg)
![Слика ОПМ1](/sites/default/files/2021-12/IMG-cbb571751ca6a1cbd306bd2d33e0f601-V.jpg)
![Брошура АП](/sites/default/files/2021-12/IMG_20211211_110833.jpg)