Комисијата на Агенцијата за пошти, врз основа на член 16 алинеја 5 од Законот за поштенските услуги (,,Службен весник на Република Македонија,, бр.158/2010, 27/2014, 42/2014, 187/2014, 146/2015, 31/2016, 190/2016, 64/2018 и 27/2019 и ,,Службен весник на Република Северна Македонија,, бр. 275/2019, 150/2021 и 227/2022) (во натамошниот текст: Законот),  на состанокот одржан на 28.11.2022 година  донесе: О Д Л У К А за определување на вредност на поенот за пресметување на годишниот надоместок за 2023 година

На 13.06.2023 година се одржа работилница на тема „Споделување електронски напредни податоци (EAD) во Северна Македонија помеѓу Царинската управа и назначениот давател на универзалната услуга“ во организација на германското друштво за меѓународна соработка ГИЗ преку програмата - Отворен Регионален Фонд за Југоисточна Европа – Надворешна трговија,со поддршка на ЦЕФТА. На работилницата присуствуваа претставници на Агенцијата за пошти, Царинската управа, АД „Пошта на Северна Македонија“, ГИЗ, како и експертите кои ја спроведоа работилницата Волтер Трезек и Мартин Фул.

Врз основа на членот 12 став 4 од Законот за поштенските услуги(,,Службен весник на Република Македонија,, бр. 158/2010, 27/2014, 42/2014, 187/2014, 146/2015, 31/2016, 190/2016, 64/2018, 248/2018, 27/2019 и ,,Службен весник на Република Северна Македонија,, бр. 275/2019, 150/2021 и 227/2022), Собранието на Република Северна Македонија, на седницата одржана на 14 јуни 2023 година донесе Одлука за одобрување на Годишната програма за работа на Агенцијата за пошти за 2023 година.

Согласно член 73 и 76 од Законот за поштенските услуги, Агенцијата за пошти  спроведе вонреден надзор врз основа на сомневања на овластените лица (по службена должност) - со предмет: спроведување на член 38 став 1 од Законот за поштенските услуги врз правниот субјект  Друштво за поштенски и курирски услуги ВАША ПОШТА ДООЕЛ Скопје - поради обезбедување на поштенски услуги без Општо овластување спротивно на членот 38 став (1) од овој закон.

Вкупниот приход од обезбедување на поштенските услуги од страна на давателите на поштенски услуги во 2022 година, споредбено со 2021 година е зголемен за 13.3%, односно за 14.9 % во однос на 2020 година. Се воочува дека приходите не се намалени и покрај намалувањето на обемот на пратките за коресподенција, што укажува на фактот дека приходите се генерираат од други услуги, пред се од пакетските услуги, како и од услугите со додадена вредност, кои имаат повисока цена.

Во 2022 година бројот на вработени во поштенскиот сектор изнесува 3.121 лица, од кои 1.998 лица се вработени кај давателот на универзална услуга АД „Пошта на Северна Македонија“, додека 1.123 лица се вработени кај давателите на поштенски услуги на слободниот пазар.

На пазарот на поштенски услуги во Република Северна Македонија во 2022 година продолжува трендот на намалување на обемот на пратките за коресподенција. Во 2022 година, вкупниот обем на пратките за коресподенција на пазарот на поштенските услуги во Република Северна Македонија изнесува 27.188.367 и споредбено со 2021 година е намален за 7.9 %.

Во периодот од 29 мај до 01 јуни 2023 година, Агенцијата за пошти беше домаќин на консултантите – експерти од поштенската област од Република Хрватска кои беа задолжени за спроведување на мисијата за оцена на Твининг проектот (Twinning Review Mission). Во рамки на мисијата беа оценувани резултатите и активностите на 4-те компоненти кои беа составен дел од Твининг проектот.

Податоците од Статистичкиот извештај за поштенските активности во Република Северна Македонија во 2022 година[1], во однос на рекламационите постапки покажуваат дека бројот на поднесени рекламации во 2022 година е намален за 26, 8 %, споредбено со поднесените рекламации во 2021 година.

На пазарот на поштенски услуги во Република Северна Македонија во 2022 година забележан е континуитет во растот на обемот на пакетите. Обемот на пакети е 5.766.070, кои сочинуваат 16% од вкупниот обем на поштенски пазар, најмногу до сега.