Трет Е-билтен на Агенцијата за пошти
Светскиот ден на поштата се празнува секоја година на 9 октомври, тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн. Целта на Светскиот ден на поштата е да ја подигне јавната свест за улогата на поштенскиот сектор во секојдневниот живот на луѓето и бизнисите и неговиот придонес за општествениот и економски развој на земјите.
Светскиот поштенски сојуз ги објави резултатите од овогодишниот меѓународен конкурс за пишување писмо. Победник е 15-годишната Nguyen Thi Thu Trang од Виетнам, чие писмо ги победи останатите 980.000 учесници.
Како добитник на златен медал, истиот и беше доделен на Транг во Истанбул, Турција, за време на завршната церемонија на 26-иот Светски поштенски конгрес на 7 октомври.
Директорот на Светскиот поштенски сојуз, Бишар А. Хусеин изјави дека е пресреќен што децата сè уште ја ценат моќта на пишаниот збор во дигиталното општество.
Агенцијата за пошти и Театарот за деца и младинци на децата од Детскиот дом „11-Октомври“ им приредија забава по повод Новогодишните и Божиќни празници. Во театарот беше одиграна претставата „Лакомата меца“ во изведба на актерите Ана Левајковиќ Бошков, Катарина Илиевска-Силјановска и Владимир Лазовски. По завршувањето на едукативната претставата децата беа изненадени од Дедо Мраз кој ги израдува и им подели новогодишни пакетчиња.
Во пресрет на 16-та Есенска акција „Денот на дрвото-засади ја својата иднина“, Агенцијата за пошти заедно со дипломатскиот кор во Македонија, учествуваше во садувањето на млади садници во општина Петровец, во кругот на Јавното претпријатие „Јасен”.