Агенцијата за пошти на ден 25.04.2025 година го избриша од службената евиденција за даватели на поштенски услуги Друштвото за услуги КОЛПОРТЕР ПОСТ ДОО Скопје. Со Решение бр. 02-142/3 од   14.04.2025 година,  Агенцијата за пошти  го укина Општото овластување на давателот на поштенските услуги   Колпортер Пост ДОО Скопје,  поради неисполнување на правата и обврските од Општото овластување, согласно член 45  став 4 од Законот за поштенските услуги, со што Колпортер Пост ДОО Скопје, го изгуби статусот на давател на поштенски услуги.

Агенцијата за пошти на ден 10.02.2025 година го избриша од службената евиденција за даватели на поштенски услуги, Друштвото за давање на останати поштенски и курирски услуги ГЕНИКИ ТАХИДРОМИКИ СМ ДОО Скопје.

Агенцијата за пошти на ден 27.12.2024 година го избриша од службената евиденција за даватели на поштенски услуги, Друштвото за поштенски и курирски услуги НОВА ПОШТА ДООЕЛ Скопје.

    Почитувајќи го принципот на транспарентно работење, Агенцијата за пошти го одржа својот 23-ти јавен состанок, на кој пред чинителите во поштенскиот сектор беа презентирани реализираните активности, плановите за делување во 2025 година, како и Анализата на пазарот на поштенски услуги во Република Северна Македонија за првото полугодие за 2024 година.

Почитувани, Агенцијата за пошти Ве поканува да присуствувате на 23-от Јавен состанок, кој ќе се одржи на 25.12.2024 година (среда) со почеток во 11 часот во конференциската сала на хотел Холидеј Инн во Скопје.

Агенцијата за пошти го избриша од службената евиденција за даватели на поштенски услуги ПЛАН ЕКСПРЕС ДООЕЛ увоз-извоз Скопје. Со Решение бр. 02-238/4 од  04.10.2024 година,  Агенцијата за пошти   го укина Општото овластување на давателот на поштенските услуги   План Експрес ДООЕЛ увоз-извоз Скопје,  поради неисполнување на правата и обврските од Општото овластување, согласно член 45  став 4 алинеја 1 од Законот за поштенските услуги.

 

На 13-ти и 14-ти ноември, Агенцијата за пошти го реализираше есенскиот караван „АП поблиску до корисниците на поштенски услуги!“. Целта на оваа кампања е да ја доближи работата на давателите на поштенски услуги пред пошироката јавност, како и да ја подигне јавната свест за начинот на користење на правата на корисниците на поштенски услуги. Караванот беше поддржан од Канцеларијата на Народниот Правобранител, со кого Агенцијата за пошти има склучено Меморандум за соработка.

Стремејќи се да ја доближи работата на давателите на поштенските услуги пред пошироката јавност, како и да ја подигне јавната свест за начинот на користење на правата на корисниците на поштенските услуги, Агенцијата за пошти во соработка со Канцеларијата на Народниот Правобранител, на 13-ти и 14-ти ноември 2024 година, ќе го спроведе вториот есенски информативен караван „АП ПОБЛИСКУ ДО КОРИСНИЦИТЕ НА ПОШТЕНСКИТЕ  УСЛУГИ“.