Агенцијата за пошти на ден 26.10.2022 година го избриша од службената евиденција за даватели на поштенски услуги, Друштвото за производство, трговија и услуги ГРАДСКО КАРГО ДООЕЛ увоз-извоз Битола. Агенцијата за пошти   согласно член 38 став 3 од Законот за поштенските услуги констатира престанок на обезбедување поштенски услуги на давателот на поштенски услуги  ГРАДСКО КАРГО ДООЕЛ увоз-извоз Битола,  со што ГРАДСКО КАРГО ДООЕЛ увоз-извоз Битола го изгуби статусот на давател на поштенски услуги.

Во период од 17 до 20 октомври 2022 година во Франфург, Германија се одржува саемот POST EXPO 2022, на кој се претставени најновите и најиновативни технологии на светските поштенски индустрии. Во рамките на POST EXPO 2022 се одржува и конференција на која свои излагања ќе имаат експерти од поштенските оператори, курирските компании, од компаниите за логистика, како и компаниите чија дејност е развој и имплементација на најновите технолошки решенија за автоматизација и достава. Како дел од конференцијата се и сесиите на кои директно ќе се разгледува напредокот во автономна достава и логистика, роботска автоматизација и проширување на други помошни компјутерски технологии. Другите сесии се посветени на сè поизразените логистички предизвици во урбаните области, и новини и опции во доставата како резултат на експанзијата на е-трговијата. Конференцијата претставува извонредна можност за едукација и воспоставување контакти за поштенските, пакетските и курирските индустрии.

Согласно член 73 и член 76 од Законот за поштенски услуги (,,Службен весник на Република Македонија“ бр. 158/2010, 27/2014, 42/2014, 187/2014, 146/2015 и 31/2016, 64/2018, 248/2018, 27/2019, и „Службен весник на Република Северна Македонија“ бр.275/2019 и бр.150/2021), член 2 од Правилникот за начинот на вршење надзор и за формата и задолжителните елементи на Записникот за извршениот надзор („Службен весник на Република Македонија“ бр. 171/2011), врз основа на Годишната програма за надзор за 2022 година бр. 01-278/1 од 07.12.2021 година, Агенцијата за пошти спроведе редовен надзор, кај субјектот: ТПЛ Тотал Пост Логистик  ДООЕЛ Скопје.

Денес, во просториите на Комисијата за заштита на конкуренцијата, директорката на Агенцијата за пошти, м-р Билјана Аврамоска Ѓореска и претседателот на Комисијата за заштита на конкуренцијата, проф. д-р Владимир Наумовски  склучија Меморандум за соработка помеѓу двете институции. Со овој Меморандум се остварува соработка меѓу Агенцијата за пошти и Комисијата за заштита на конкуренцијата, со цел да се реализираат проекти и активности во областа на заштитата на конкуренцијата на пазарот на поштенските услуги.

Согласно член 73 и член 76 од Законот за поштенски услуги (,,Службен весник на Република Македонија“ бр. 158/2010, 27/2014, 42/2014, 187/2014, 146/2015 и 31/2016, 64/2018, 248/2018, 27/2019, и „Службен весник на Република Северна Македонија“ бр.275/2019 и бр.150/2021), член 2 од Правилникот за начинот на вршење надзор и за формата и задолжителните елементи на записникот за извршениот надзор („Службен весник на Република Македонија“бр. 171/2011), а врз основа на Годишната програма за надзор за 2022 година бр. 01-278/1 од 07.12.2021 година, Агенцијата за пошти спроведе редовен надзор, кај субјектот: БЕ – ДА ГРОУП ДООЕЛ увоз-извоз Скопје.

Агенцијата за пошти на 12.10.2022 година го избриша од службената евиденција за даватели на поштенски услуги, Друштвото за поштенски и курирски услуги БИЗНИС ПОШТА увоз-извоз ДООЕЛ Битола. Агенцијата за пошти   согласно член 38 став 3 од Законот за поштенските услуги („Службен весник на Република Македонија“ бр. 158/2010, 27/2014, 42/2014,1 87/2014, 146/2015, 31/2016, 190/2016, 64/2018, 248/2018, 27/2019  и ,,Службен весник на Република Северна Македонија,, бр. 275/2019 и 150/2021), констатира престанок на обезбедувањето поштенски услуги за давателот на поштенски услуги  БИЗНИС ПОШТА увоз-извоз ДООЕЛ Битола,  со што БИЗНИС ПОШТА увоз-извоз ДООЕЛ Битола го изгуби статусот на давател на поштенски услуги.

Во изминатите три квартала од 2022 година примени се вкупно 7 нотификации за започнување и промена со обезбедување на поштенски услуги. Во овие 7 постапки водени пред Агенцијата за пошти, издадени се вкупно 5 Општи Овластувања за обезбедување на поштенски услуги. Во првите три квартала од 2021 година пред Агенцијата се водени вкупно 19 вакви постапки, пришто издадени се 7 Општи Овластувања за обезбедување на поштенските услуги.

Светскиот ден на поштите се одбележува секоја година на 9 октомври. Тоа е годишнина од основањето на Светскиот поштенски сојуз (Universal Postal Union -UPU) во 1874 година во швајцарскиот град Берн. Целта на Светскиот ден на поштата е да ја подигне јавната свест за улогата на поштенскиот сектор во секојдневниот живот на луѓето и бизнисите и неговиот придонес за општествениот и економски развој на земјите.

Согласно член 73 и член 76 од Законот за поштенски услуги (,,Службен весник на Република Македонија’’ број  158/2010, 27/2014, 42/2014, 187/2014, 146/2015 и 31/2016, 64/2018, 248/2018, 27/2019, и „Службен весник на Република Северна Македонија" бр.275/2019 и бр.150/2021), член 2 од Правилникот за начинот на вршење надзор и за формата и задолжителните елементи на записникот за извршениот надзор (,,Службен весник на Република Македонија’’ број 171/2011), врз основа на  Годишната програма за надзор за 2022 година бр. 01-278/1 од 07.12.2021 година, Агенцијата за пошти спроведе редовен надзор, кај субјектот: ИН ПОШТА РАДЕВСКИ ДООЕЛ Скопје.