На пазарот на поштенските услуги во Република Северна Македонија во 2021 година забележан е континуитет во намалување на обемот на пратките за коресподенција. Обемот на пратките за коресподенција е 29,528,735, и тие сочинуваат 78,5% од вкупниот обем на поштенски пазар. Во 2021 година, споредбено со 2020 година, вкупниот обем на пратките за коресподенција на пазарот на поштенските услуги во Република Северна Македонија е намален за 12.4%.

Врз основа на следење на состојбата на поштенскиот пазар во земјата, Агенцијата за пошти детектира случаи на обезбедување на поштенски услуги од страна на правни субјекти кои не поседуваат Општо овластување издадено од Агенцијата.

Следејќи го развојот на поштенскиот пазар, потребите на корисниците и предизвиците со кои се соочуваат сите чинители во поштенската област, Агенцијата за пошти превзема регулаторни мерки за воедначување на обврските на давателите на поштенските услуги,  со цел  создавање услови за фер конкуренција во поштенскиот сектор и намалување на сивата економија.

Во период од 30-ти јуни до 1-ви јули 2022 година во Мадрид, Шпанија, Eвропската група на поштенски регулатори го одржа првиот пленарен состанок за 2022 година, под претседателство на  проф. др. Маријано Бацигалупо Сагезе, член на одборот на директори на Шпанската Национална комисија за пазари и конкуренција, со поддршка на потпретседателите др. Спирос Пантелис, потпретседател на Комисијата за телекомуникации и пошти на Грција и мр. Петрос Галидес, заменик претседател на Канцеларијата за регулација на електронски комуникации и поштенски услуги на Кипар.

На пазарот на поштенските услуги во Република Северна Македонија во 2021 година забележан е континуитет во растот на обемот на пакетите. Обемот на пакети е 4.832.940, кои сочинуваат 12,8% од вкупниот обем на поштенски пазар, најмногу до сега.

На 09-ти и 10-ти јуни  2022 година се одржа втората онлајн сесија одTAIEX проектот за подобрување на капацитетите на Агенцијата за пошти во делот на анализа на пазарот и мерењето на квалитет на поштенските услуги соексперти од националниот давател на поштенски услугиLa PosteFrance.

Денес, 08 јуни 2022 година, Агенцијата за пошти го одржа 18-от јавен состанок, на кој беше презентирана состојбата на поштенскиот пазар во Република Северна Македонија, како активностите и плановите за делување во идниот период.

Почитувани, Агенцијата за пошти Ве поканува да присуствувате на 18-иот Јавен состанок, кој ќе се одржи на 08.06.2022 (среда) со почеток во 11 часот во конференциската сала на Хотел „Солун“ во Скопје. Почитувајќи го принципот на транспарентно работење, Агенцијата своите јавни состаноци ги организира со цел да им овозможи на сите заинтересирани страни да се информираат за превземените активности и за регулаторните мерки во тековната годината. Оваа прилика ја користи и да ја презентира состојбата на поштенскиот пазар во Република Северна Македонија, како и да ја запознае јавноста со тековните активности , плановите и програмите за делување во идниот период.

Во периодот од 1-ви до 3-ти јуни  2022 година се одржа првата онлајн сесија од TAIEX проектот за подобрување на капацитетите на Агенцијата за пошти во делот на анализа на пазарот и мерењето на квалитет на поштенските услуги со експерти од Националната  Комисија за конкуренција и пазар на Шпанија (регулаторно тело од областа на поштенските услуги) и од Министерството за транспорт, мобилност и урбани работи на Кралството Шпанија.

Во периодот од 16 мај до 20 мај 2022 година, во градот Берн - Швајцарија се одржува Првата годишна сесија на Советот на администрација (Council of Administration- CA) на Светскиот поштенски сојуз (Universal Postal union-UPU).