Агенцијата за пошти како независно регулаторно тело од областа на поштенските услуги, во рамки на активностите за следење и анализа на пазарот и оваа година спроведе преку независна компанија Истражување за потребите на корисниците на поштенските услуги.

Регулаторната рамка која ги регулира поштенските услуги постои повеќе од 20 години. Директивата 97/67/EC („Директива за поштенски услуги“) стапи на сила во 1997 година. Нејзината цел беше да обезбеди усогласување на националните обврски за универзална услуга, а во исто време постепено воведување на конкуренција во секторот на поштенските услуги, особено во однос на услугите за писма кои традиционално беа резервирани за националните поштенски оператори.

Тимот за квалитет при Агенцијата за пошти дефинираше анкетен прашалник преку кој се измери задоволството на корисниците на услуги на Агенција за пошти. Анкетните прашалници беа  доставени до корисниците на услугите  и давателите на поштенските услуги и истиот беше објавен на веб страницата на Агенцијата за пошти.

Во текот на вчерашниот ден на 08.02.2022 година , националниот давател на поштенски услуги АД „Пошта на Северна Македонија“ на својата веб-страница објави Известување за корисници со кое информираше дека на социјалните мрежи се појавува дезинформација за достава на поштенски пратки и износ кој корисникот треба да го плати за да ја подигне својта пратка.

Поштенскиот пазар во државава е целосно подготвен за постоење на еднаква  и фер конкуренција. Целосната либерализација е оправдано настаната и претставува можност за сите даватели на поштенските услуги да може да работат по еднакви услови дефинирани со законските одредби, вели во интервју за МИА директорката на Агенцијата за пошти Билјана Аврамоска Ѓореска.

Од 01.01.2022 година, настапи либерализација на пазарот на поштенските услуги во Република Северна Македонија. Почнувајќи од 01.01.2022 година престанаа да постојат ценовните монополи за поштенските услуги за пратките за коресподенција  и пратките со директна пошта, со маса до 50 грама, односно резервираните поштенски услуги кои беа загарантирани со Законот за поштенските услуги.

На 1-от состанок во 2022 година, одржан на 28.01.2022 година, Комисијата на Агенцијата за пошти на предлог на директорката го донесе Стратешкиот план на Агенцијата за пошти за периодот 2022-2024 година и Акциски план за негово спроведување.

Агенцијата за пошти, како општествено одговорна институција ја практикува “активната транспарентност“ која подразбира примена на концепт на самоиницијативно објавување на значајни документи од областа на поштенските услуги, но и информации за буџетското и програмското работење на својата интернет страница.

Агенцијата за пошти на ден 31.12.2021 година го избриша од службената евиденција за даватели на поштенски услуги, Друштвото за трговија и услуги РСЕ ОПТИМА ДООЕЛ увоз-извоз Скопје.