Денес, 08 јуни 2022 година, Агенцијата за пошти го одржа 18-от јавен состанок, на кој беше презентирана состојбата на поштенскиот пазар во Република Северна Македонија, како активностите и плановите за делување во идниот период.

Почитувани, Агенцијата за пошти Ве поканува да присуствувате на 18-иот Јавен состанок, кој ќе се одржи на 08.06.2022 (среда) со почеток во 11 часот во конференциската сала на Хотел „Солун“ во Скопје. Почитувајќи го принципот на транспарентно работење, Агенцијата своите јавни состаноци ги организира со цел да им овозможи на сите заинтересирани страни да се информираат за превземените активности и за регулаторните мерки во тековната годината. Оваа прилика ја користи и да ја презентира состојбата на поштенскиот пазар во Република Северна Македонија, како и да ја запознае јавноста со тековните активности , плановите и програмите за делување во идниот период.

Во периодот од 1-ви до 3-ти јуни  2022 година се одржа првата онлајн сесија од TAIEX проектот за подобрување на капацитетите на Агенцијата за пошти во делот на анализа на пазарот и мерењето на квалитет на поштенските услуги со експерти од Националната  Комисија за конкуренција и пазар на Шпанија (регулаторно тело од областа на поштенските услуги) и од Министерството за транспорт, мобилност и урбани работи на Кралството Шпанија.

Во периодот од 16 мај до 20 мај 2022 година, во градот Берн - Швајцарија се одржува Првата годишна сесија на Советот на администрација (Council of Administration- CA) на Светскиот поштенски сојуз (Universal Postal union-UPU).

Развој на поштенскиот сектор и на нејзината регулаторна рамка под влијание на постојната брзо растечка дигитализација, а врз основа на направените анализи и нејзината импликација на поштенскиот сектор претставува основа за понатамошни промени во поштенската рамка насочена кон пазарните потреби и корисничко ориентирани услуги.

Давателот на универзалната услуга - АД„Пошта на Северна Македонија“– Скопје, ги известува своите корисници дека е во постојан контакт со меѓународните поштенски оператори и превозници и своето меѓународно работење го прилагодува на постојната состојба.

ЕРГП ја подржува иницијативата за привремено смалување на цените или ослободување во потполност од наплата на поштарина и други трошоци за пратките со хуманитарна помош која е наменета за жителите на Украина.

Агенцијата за пошти на ден 25.02.2022 година го избриша од службената евиденција за даватели на поштенски услуги, Друштвото за поштенски и курирски услуги ИН ТАЈМ ПОСТ ДООЕЛ Скопје.

Агенцијата за пошти како независно регулаторно тело од областа на поштенските услуги, во рамки на активностите за следење и анализа на пазарот и оваа година спроведе преку независна компанија Истражување за потребите на корисниците на поштенските услуги.

Регулаторната рамка која ги регулира поштенските услуги постои повеќе од 20 години. Директивата 97/67/EC („Директива за поштенски услуги“) стапи на сила во 1997 година. Нејзината цел беше да обезбеди усогласување на националните обврски за универзална услуга, а во исто време постепено воведување на конкуренција во секторот на поштенските услуги, особено во однос на услугите за писма кои традиционално беа резервирани за националните поштенски оператори.